ABE E CRCC IMPULSAN A PROBA DE REMO CONTRA O RELOXO #SOMOSBOIRO

• Sortéanse dous premios, un pack afeccionado do CRCC e 1 bono ABE de 50€
• Para participar, os clientes deben realizar unha compra en calquera negocio asociado a ABE e rexistrala en abe.gal
• O sábado 27 no campo de regatas os afeccionados poderán participar nun concurso de remo con premios para os mais rápidos.

Boiro 22 de xaneiro

Este sábado 27 de xaneiro celébrase en Boiro  a XXI edición da proba contra o reloxo de remo organizada polo Club de Remo de Cabo da Cruz que leva o nome de #somosBoiro e na que colabora a ABE.

Para celebralo poñemos en marcha un sorteo de 2 premios; 1 pack afeccionado (que inclúe a camisola oficial do CRCC, 2 camisolas cabo somos nos e 1 gorra do CRCC) e 1 bono ABE de 50 €

Para participar so hai que realizar unha compra entre o 20 e o 27 deste mes en calquera dos negocios asociados a ABE e rexistrala na web www.abe.gal.

O luns 29 de xaneiro realizarase o sorteo dos premios entre todos os tíckets rexistrados.

Concurso de remo

En paralelo a este sorteo o sábado no campo de regatas o CRCC instalará un ergómetro no que os afeccionados poderán demostrar a súa destreza como remeiros. A patronal de Boiro aporta 2 premios de 25€ en Bonos ABE para os mais rápidos.